Eksterrete

Eksterrete pri komputilaĵoj kaj retaj projektoj

Ĉio estas trovebla en interreto! Sed… multaj retejoj prezentas malaktualajn informojn kaj ne plu uzeblajn versiojn de programoj. Trovi la indaĵojn estas temporabe kaj foje iom komplike.

Dum prelegserio pri komputilaĵoj kaj retaj projektoj en lokaj kluboj en Benelukso mi rimarkis ke tre mankas superrigardo de tiaj indaj (kaj aktivaj) projektoj. Post prezento mi foje per retpoŝto sendis la plej interesajn ligilojn al ĉeestintoj, sed tio klare ne sufiĉas. Papera verko kun tekstaj klarigoj daŭre plej taŭgas por tiu celo. Do mi ek-kreis tion. Jen la unuaj libretoj.

Unua volumo: pri lerniloj kaj vortaroj

Superrigardo de lerniloj kaj vortaroj, klarigoj pri ĉapelitaj literoj kaj vortareto trilingva de oftaj prikomputilaj vortoj.

  • Presita broŝuro kostas 2 EUR kaj estas aĉetebla en la retbutiko de FEL aŭ rekte de Yves Nevelsteen dum renkontiĝoj.
  • Hejme preseblan PDF-version kun alklakeblaj ligiloj vi povas aĉeti en la retbutiko de tiu ĉi retejo.

ISSUU-version de la unua volumo vi povas trafoliumi ĉi-sube.

Dua volumo: pri bitlibroj kaj bitgazetoj

Klarigoj pri bitlegiloj, superrigardo de bitlibroj kaj bitgazetoj haveblaj en Esperanto. Presita broŝuro kostas 3 EUR kaj estas aĉetebla en la Retbutiko de FEL aŭ rekte de Yves Nevelsteen dum renkontiĝoj.

La bitversion de la dua volumo vi povas trafoliumi ĉi-sube. Intertempe mi trovis plurajn aliajn interesajn revuojn. Momente (somero 2018) mi laboras pri nova, tute ĝisdatigota eldono (“eldono 2019”). Ĝi estos interalie aĉetebla dum la Novjara Renkontiĝo en Germanio; se vi volas antaŭmendi ĝin, bv. sendi al mi mesaĝon.

Eksterrete – cerbumado (privata)